खबरों में बीकानेर...
✍🏻पंजाबी सरपंच रमनदीपकौर बधायो राजस्थानी रो मान
बस अड्डै पर लिखवायो- पधारो म्हारै धोरां वाळै देस, पधारो म्हारै राजस्थान जी
👉
💘
📷
पंजाबी सरपंच रमनदीपकौर बधायो राजस्थानी रो मान
बस अड्डै पर लिखवायो- पधारो म्हारै धोरां वाळै देस, पधारो म्हारै राजस्थान जी
हनुमानगढ़
16 करोड़ राजस्थानीयां री मायड़ भासा राजस्थानी नै मानता कोनी। पण अब जनता इण नै बरत्यूं री भासा बणार खुद मानता देवणी सरू करी है। आपणो राजस्थान आपणी राजस्थानी अभियान सूं जुड़'र रामसरै नारायण रा सरपंच रमनदीपकौर रोड़ीकपूरा बस अड्डै, भौमका अर गांव री दूजी सांझी जग्यां माथै राजस्थानी दूहा, स्लोगन अर राजस्थानी पेंटिंग लिखाय'र राजस्थानी भासा नै मान दियो है।
गांव रै बस अड्डै पर गांव पंचायत रामसरो नारायण आपरो काळजै री कोर सूं मोकळो सुआगत करै सा लिखेड़ो देख'र लोग अचूम्भो करै। रमनदीपकौर केयो है बै खुद पंजाबी है पण राजस्थानी भासा री मानता सारू हरमेस त्यार मिलस्यूं।
समाजसेवी हरदीपसिंघ रोड़ीकपूरा बतायो कै म्हानै लोगां सेवा रो मौको दियो है जणा जन भावना नै समझता थकां राजस्थानी लिखवाई है। बां केयो कै आपणी मायड़ भासा राजस्थानी नै मानता जरूर मिलणी चाईजै क्यूंकै इण सूं आपणै बेरूजगारां नै घणो फायदो मिलसी। हर गांव पंचायत इण भांत काम करै तो राजस्थानी भासा नै जरूर मानता मिलसी। राजस्थानी भासा नै बरत्यूं री भासा बणार हर मिनख काम करै तो सरकार बी आपणी बात टाळ कोनी सकै। बां लोगां सूं अरज करी कै पंचायत सूं मिल'र राजस्थानी अर गांव रै विकास सारू काम करणो चाईजै। इण मोकै मुंडाधाम इंटरप्राइजेज रा विनोद घोड़ेलो, टेकसिंघ, मनजीतसिंघ बी मौजूद रेया जकां पेंटिंग अर राजस्थानी भासा मै लिखण रो काम करयो।
यहां व्यक्त कीजिए - खबर आपकी नजर में...