सिंधी गाल्हि : अट्टू-पट्टू जो अख्यिूनि सां डिसणु

प्रतीकात्मक चित्र मेटा ए आई 🙏

-सिंधी गाल्हि : अट्टू-पट्टू जो अख्यिूनि सां डिसणु

*खबरों में बीकानेर*

-

📝 सिंधी गाल्हि : अट्टू-पट्टू जो अख्यिूनि सां डिसणु

-अट्टू-पट्टू जो अख्यिूनि सां डिसणु

पट्टू उस्ताद पहिंजी धुनि में अगिते हलन्दो पियो वंञे। चेलो अट्टू थकजी वियो हो। कीअं चवे उस्ताद खे, डिंहु ततो कांव जी अखि तो कढ़े। सुझु तपी रहियो आहे। वातावरण खे बि तपाये रख्यो अथांई। बीहुजी था वंञूं कहिं वण जे हेठां। भुख लगी आहे। गोथरीअ में बंधलि सत्तू खाई था वठूं। थदो पाणी पी करे निरी आली था कयूं। साहु पटे वठूं। पोइ वरी अगिते हलबो पहिंजी मंजिल डाहुं। 

मंजिल बि अंञणु 25 कोह परे आहे। चेले खे जाण आहे, रोज जो इयो नियम आहे। जेसि तोणी को बियो थकयलि मुसाफिर कोन मिलन्दो, उस्ताद बीहन्दो इ कान। पहिरी मुसाफिर खे ढव कराइन्दो, पोइ चेले सां गडु सत्तूअ जो रस वठन्दो, आनंद कंदो। अजु त हद थी वई आहे। इनि दग ते परे परे तांणी मुसाफिर त परे को जिनावर बि इन्दो वेन्दो कोन थो निजरे। उस्ताद आखिर उस्ताद आहे।

 

चेले जे मन में हलन्दड़ ख्यालनि जी रेल जो आवाज उनि जण त बुधि वड़तो। पहिंजे नियम खे किस्मत अगिया हाराइन्दे डिसण उनिखे पसंद कोने लेकिन अट्टू चेले जे डुख्यलि मन खे समझी पट्टू उस्ताद बि डुख्यो त थिओ। हेडां-होडां डिठांई। यकदमु खुशु थी वियो। थोड़ो इ पंधु अगिते लिमु जे हेठूं पंज-सत झिरिकियूं वारीअ में चूम्ब विझी कुझु गोल्हनि पइयूं। उस्ताद चेले खे चयो, पुट इतेई बीहजी वंञ। कदमु अगिते न खणु। झिरिकियूं उडाणी वेन्दीयूं। इतेई, उसि में इ गोथरी खोल ऐं सत्तूअ जो थोड़ो बुरादो इननि झिरिकिनि डाहुं उछले छडु। 

चेले इयांई कयो। माण्हुनि खे पहिंजे डाहुं कुझु उछलन्दे डिसी झिरिकियूं पहिरियूं त डकियूं ऐं उडामण वास्ते परनि खे तोरियवूं। वरी कहिं हिकु झिरिकिअ पहल कई ऐं मिठो सत्तूं चूम्ब में भरे चहकण लगी। पोइ त सभिनी झिरिकिनि सत्तूअ जो सुवादु वड़तो। हिकु मिनट बि कोन गुजिरियो ऐं झिरिकियूं पाण डव करे चूम्बनि में सत्तू खजाने वांङुरु संभारे वण ते ठाहयलि पहिंजे घोंसले डाहु उडाणे वयूं। 

चीं चीं जी चहक सां सूनसान झंग बि हरियलि भरियलि बागनि वांङुरु महकजी ऐं चहकजी वियो। उस्ताद जे इशारे ते चेले वण जे हेठां अंगोछो विछायईं। कमंडल मूं पाणी कढ़ी भूमि-स्थान पवित्र कयांई। बई पेटु भरण में लगी विया। 

चेले डिठो, उस्ताद अंञणु बि सत्तूअ जो बुरादो जमीन ते उछले रहियो हो ऐं वण तां झिरिकियूं लही उननि अगियां अची नचनि पइयूं। इनिअई वेल चेलो अट्टू संकल्प जी गंढु बधी वड़ती, हयातीअ में पट्टू उस्ताद वांङुरु इ पाण बि अख्यिूंनि सां इ डिसन्दो। पहिंजी जरूरत जी नजर सां न। - मोहन थानवी 

-

-

-