खबरों में बीकानेर 🎤 : सरकार में समाज "ऐं असांजी" भूमिका पर मंथन

खबरों में बीकानेर 🎤
सरकार में समाज ऐं असांजी भूमिका

सिंधी समाज जे नेताउनि खे ओहदो बि मिलण जरूरी आहे। राजस्थान में विधानसभा चूंडनि जो सिलसिलो हली रहियो आहे। नतीजा दिसंबर जे बें हफ्ते में साम्हूं ईन्दा। चूंडियूं ऐं नतीजा राजनीतिअ में दिलचस्पी रखण वारनि सभिनी माण्हूंनि सां गडोगडु नई टेहीअ लाइ कुझु वधीक इ महताव रखनि था। कुल 200 सीटनि जे हिसाब सां पोयीं चूंडनि में महजु 2 प्रतिशत नुमाइंदनि सिंधी समाज जो नालो रोशन कयो हो। बहरहाल ईआ खुशीअ जी गाल्हि आहे। ब प्रतिशत नुमाइंदगी समाज खे मिलण का घटि महताव वारी गाल्हि कोन आहे।  छा काण जो बिअनि समाजनि जे मुकाबले इनि अंङ खे फखरु सां डिसी था सघूं। बावजूद इनिजे, इनि खुशीअ खां वधीक फिकर जी गाल्हि ईआ आहे त असांजो समाज राजनीतिक दलनि में पहिंजी पुख्ता जाइ मुकर्ररु कीन करे सघ्यो आहे। हिति कहिं खासु पार्टीअ जी गाल्हि कोन था कर्यूं, बल्कि राजनीतिक क्षेत्र में समाज जी भूमिका जे महताव खे वधाइण जो चिंतन तौर हिक गाल्हि रखूं था। अजु जे हालात खे डिसी चइ सघूं था, फिलवक्ति असांखे कहिं राजनीतिक ओहदे ते ब-ट्रे साहिबान ही आहिनि। इयो अंङ नाकाफी आहे। हाणे सूबे में चूंडनि बैद छा हालात साम्हूं ईन्दा, चनण मुमकिन नाहें। जेको बि मुख्यमंत्री ठहिंदो उवो पहिंजे मंत्रिमंडल में चूंड्यलि नुमाइंदनि खे ओहदा विरहाइंदी। छा असां पहिजे समाज जे नुमाइंदनि खे पहिरीं खां वधीक अंडङनि में चूंडे विधानसभा में मोकलिण बाबत संभरी वेठा आहियूं? चुनाव में नई टेहीअ जे वोटरनि जी भूमिका जो ख्यालु रखी असांजे समाज जे नुमाइंदनि खे जिम्मेदारीअ वारो ओहदो मिलण तमामु जरूरी आहे, इनि गाल्हि खे तव्हां बि जरूर महसूस करे रहिया हून्दव। असांजो बि फर्जु आहे कि पहिंजे सूबे ऐं समाज जी बहबूदीअ लाइ समाज जे नुमाइंदनि जी हौसला अफजाई कंदे सरकार ठाहिण लाइ चूंडयल राजनीतिक दल अगिया समाज खे महताव डिअण जी घुर्ज रखूं। ईअं करण सां नई टेहीअ खे बि राजनीतिअ में अगिते अची पहिंजी भूमिका अदा करण लाइ हिमथाइंदासे। जय श्री झूलेलाल।
. ✍️ मोहन थानवी